အိုရှိုးပြောတဲ့လူတိုင်းရဲ့ထူးခြားမှု(၄)

ဘာကြောင့်ခင်ဗျားကခရစ္စ(ရှ်)နားနှင့်မှသွားတူစေချင်ရတာလဲ၊ ခင်ဗျားဘာများအမှားလုပ်ခဲ့လို့လဲ၊ ခင်ဗျားမှာ
ဘာအပြစ်များရှိလို့လဲ၊ ခရစ္စ(ရှ်)နားနဲ့တူမှကိုဖြစ်မှာလား၊ ဘုရားသခင်ကခရစ္စ(ရှ်)နားနောက်တစ်ယောက်ကိုမ
ဖန်ဆင်းခဲ့ဘူးလေ၊ ဘုရားသခင်ကနောက်ထက်အိန်စတိန်းတစ်ယောက်ကိုလည်းမဖန်ဆင်းခဲ့ပါဘူး၊ ဘာကြောင့်
လဲဆိုတော့ဘုရားသခင်ကထပ်တူဖြစ်သောအရာကိုဖန်ဆင်းခြင်း၌၀မ်းမြောက်မှုမရှိလို့ပါပဲ၊ ဘုရားသခင်ဟာဖန်
ဆင်းရှင်သာဖြစ်တယ်။ ထုတ်လုပ်ရေးစက်ရုံတစ်ရုံမဟုတ်ဘူး၊ ဖိုဒ့် (Ford) မော်တော်ကားစက်ရုံကဖိုဒ့်ကားတွေ
တစ်စီးပြီးတစ်စီးအဆက်မပြတ်ထုတ်လုပ်လိုက်တယ်၊ အားလုံးကတစ်ပုံစံထဲပါ၊ ဘုရားသခင်ကတော့ကမ္ဘာဦးရဲ့
ဖန်ဆင်းရှင်ဖြစ်တယ်၊ ဘယ်တုန်းကမှမိတ္တူမဖန်တီးခဲ့ပါဘူး။
           မိတ္တူပစ္စည်းဆိုတာတန်ဖိုးမရှိပါဘူး၊ သို့ပေမယ့်လည်းခင်ဗျားဟာတခြားသူတစ်ယောက်ဖြစ်ဖို့တ
လျှောက်လုံးသင်ကြားခံနေရတုန်းပါ၊ " ကြည့်လေအိမ်နီးချင်းကောင်လေးနဲ့တူရမယ်တဲ့၊ ဒီကောင်လေးကသိပ်
တော်တာသူ့ကိုအတုခိုးရမယ်" "ဟိုကောင်မလေးလမ်းလျှောက်တာတကယ့်ကိုသိမ်မွေ့တာပဲ၊ အဲဒီလိုဖြစ်နေရ
မယ်၊ " ခင်ဗျားက်ိုသူများနဲ့တူဖို့အနားမပေးပဲသင်ကြားနေကြတယ်။
      ခင်ဗျားကိုငါဟာငါပဲဖြစ်အောင်လုပ်ရမယ်လို့ပြောတဲ့သူတစ်ယောက်မှမရှိခဲ့သေးဘူး၊ မိမိရဲ့တည်ရှိမှုကိုကိုယ်
တိုင်ကရိုသေလေးစားရမယ်၊ ဒါဟာဘုရားသခင်ရဲ့လက်ဆောင်မွန်ဖြစ်တယ်၊ လုံးဝမတုပပါနဲ့၊ ဒါဟာခင်ဗျားကို
ကျွန်တော်ပြောချင်တဲ့စကားဖြစ်တယ်။
               လုံးဝလိုက်မတုပပါနဲ့၊ ကိုယ့်ကိုယ်ကိုသာတည်ဆောက်ပါ၊ ဒါဟာဘုရားသခင်အပေါ်ထားတဲ့ခင်ဗျားရဲ့
ဝတ္တရားပါ၊ ကိုယ့်ကိုယ်ကိုထူထောင်ပါ၊ ရိုးသားမှုနှင့်သစ္စာရှိရှိမိမိဘာသာရပ်တည်ပါ၊ ဒါမှသာခင်ဗျားဟာထူးခြား
သူတစ်ယောက်ဖြစ်တယ်ဆိုတာခင်ဗျားကိုယ်တိုင်သိလာမှာဖြစ်တယ်၊ နို့မဟုတ်ရင်တော့ခင်ဗျားဟာတည်ရှိနေ
မှာမဟုတ်တော့ဘူး။
                   ဒါပေမယ့်ခင်ဗျားရဲ့ထူးခြားချက်ဟာအခြားသူနဲ့ယှဉ်ပြိုင်မှုကရလာတာမဟုတ်ဘူး၊ အိမ်နီးချင်းမိတ်
ဆွေသင်္ဂဟ၊ ဇနီးသားမယား၊ ဆရာသမား၊ သူတို့တွေနဲ့နှိုင်းယှဉ်ပြီးရလာတာမဟုတ်ဘူး၊ ခင်ဗျားရဲ့ထူးခြားရတဲ့
အကြောင်းရင်းကခင်ဗျားတစ်ဦးတည်းဖြစ်လို့ခင်ဗျားလိုလူနှစ်ယောက်မရှိလို့ပါ၊ အဲဒီရှုထောင့်ကနေပြီးသုံးသပ်
ကြည့်မယ်၊ နားလည်မှုယူမယ်ဆိုရင်ထူးခြားသူတစ်ယောက်ဖြစ်ချင်တဲ့ခင်ဗျားရဲ့ကြိုးပမ်းမှုအားလုံးဟာပျောက်
ကွယ်သွားပါလိမ့်မယ်။
                     ခင်ဗျားရဲ့ထူးခြားအောင်ကြိုးပမ်းချင်တဲ့ဆန္ဒကဘာနဲ့တူသလဲဆိုရင်မြွေကိုခြေထောက်တပ်ပေးချင်တာမျိုးနဲ့တူ
နေတယ်၊ အဲဒီစဉ်းစားနည်းကအဲဒီမြွေကိုခင်ဗျားသတ်တာပဲဖြစ်မယ်။
              ခင်ဗျားသဘောကအကြင်နာတရားရှေ့ထားပြီးမြွေကိုကူညီချင်လို့ခြေထောက်တတ်ပေးတာ၊ သနားစ
ရာကောင်းတဲ့မြွေကလေးရယ်၊ မင်းမှာခြေထောက်မရှိပဲဘယ်လိုသွားမှာလဲ၊ ဥပမာအနေနှင့်ပြောရရင်မြွေက
ကင်းခြေများတစ်ကောင်ရဲ့လက်ထဲရောက်သွားတယ်ဆိုပါစို့၊ ကင်းခြေများကဒီမြွေကိုအလွန်တရာစာနာနေမိ
တယ်၊ ကင်းခြေများပြောချင်တာက "ဒီမြွေကသနားစရာကောင်းလွန်းလှပါတယ်၊ ငါ့မှာခြေထောက်အချောင်း
တစ်ရာတောင်ရှိတယ်၊ သူ့မှာတော့ခြေထောက်တစ်ချောင်းတောင်မရှိရှာဘူး၊ သူဘယ်လိုများလမ်းသွားပါလိမ့်၊ သူ့မှာအနည်းဆုံးခြေထောက်နှစ်ချောင်းလောက်တော့ရှိမှဖြစ်မှာပေါ့၊" အကယ်၍သာကင်းခြေများကဒီမြွေအတွက်ခြေထောက်အနည်းငယ်ကိုလက်တွေ့ကျကျသွားတပ်ပေးမယ်ဆိုရင်
ဒီမြွေတော့သေမှာမုချပဲ၊ လက်ရှိဖြစ်တည်နေတဲ့ဒီမြွေရဲ့ပုံပန်းသဏ္ဍာန်ဟာသူ့အတွက်အကောင်းဆုံးအနေအ
ထားပါ၊ သူ့အတွက်ခြေထောက်မလိုအပ်ပါဘူး။
             ခင်ဗျားရဲ့ပကတိအသွင်အပြင်ကလည်းကောင်းပြီးသားပါ။ ဒါဟာကျွန်တော်ပြောနေတဲ့မိမိရဲ့ပကတိ
တည်ရှိမှုကိုရိုသေလေးစားရမယ်ဆိုတဲ့အဓိကအချက်ဖြစ်ပါတယ်။
             ကွဲကွဲပြားပြားမှတ်သားရမှာကမိမိကိုယ်ကိုရိုသေလေးစားခြင်းနဲ့အတ္တကိုဆက်နွယ်မထားမိဖို့ပဲဖြစ်
ပါတယ်၊ မိမိကိုယ်ကိုရိုသေလေးစားခြင်းဟာအတ္တကိုရိုသေခြင်းဆိုတာတစ်နည်းအားဖြင့်ဘုရားသခင်ကိုရိုသေ
ခြင်း သို့မဟုတ် ဖန်ဆင်းရှင်ကိုရိုသေခြင်းပဲဖြစ်တယ်၊ ဘာကြောင့်လဲဆိုတော့ခင်ဗျားဟာဘုရားသခင်ရဲ့စက္ကူ
တစ်ရွက်သာဖြစ်နေလို့ပါ၊ အဲဒီစာရွက်ကိုရိုသေလေးစားရမယ်။
                       ရိုသေလေးစား ၊ကြိုဆိုလက်ခံ၊ ရှင်းလင်းစွာသိမှတ် ဒါဆိုရင်ထူးခြားအောင်ပြောင်းလဲချင်တဲ့
မိုက်မဲသောကြိုးပမ်းမှုများအားလုံးဟာပျောက်ကွယ်သွားကြမှာပဲဖြစ်တယ်။ ရဲထက်(မဟေသီ Sep.. 2010)